Мэта: развіццё адукацыйнай прасторы, арыентаванай на павышэнне якасці адукацыі навучэнцаў, якая садзейнічае грамадзянскаму, патрыятычнаму, інтэлектуальнаму развіццю сацыяльна паспяховай, ідэйна ўстойлівай, маральна і фізічна здаровай асобы, запатрабаванай у сучасным грамадстве, праз цеснае супрацоўніцтва школы, сям’і, соцыума.

Задачы:

1.Забяспечыць бяспечныя ўмовы для ўсіх удзельнікаў адукацыйнага працэсу.

2.Забяспечыць адпаведнасць вынікаў адукацыйнага працэсу патрабаванням дзяржаўных стандартаў на ўсіх ступенях агульнай сярэдняй адукацыі праз рэалізацыю кампетэнтнаснага падыходу ў выкладанні вучэбных прадметаў, фарміраванне і развіццё функцыянальнай адукаванасці вучняў, развіццё інфармацыйнага асяроддзя, арганізацыю дапрофільнай падрыхтоўкі і профільнага навучання, прымяненне актыўных метадаў і прыёмаў работы з вучнямі рознага ўзроўню матывацыі да навучання;

3.Павышаць узровень прафесійнай кампетэнтнасці педагогаў па пытаннях выхавання і развіцця асобы вучняў сродкамі вучэбных прадметаў.

4.Забяспечыць адзінства і ўзгодненасць дзеянняў сям’і і школы ў выхаванні навучэнцаў, у фарміраванні ў іх грамадзянскасці, патрыятызму, нацыянальнай самасвядомасці, прававой культуры, бяспечных і адказных паводзін;

5.Працягваць работу па мадэрнізацыі і абнаўленні матэрыяльна-тэхнічнай базы ўстановы адукацыі, аснашчэнні сучаснымі сродкамі навучання і вучэбным абсталяваннем, забеспячэнні бяспекі адукацыйнага працэсу праз прыцягненне пазабюджэтных і спонсарскіх сродкаў.

Функцыі:

УА "Шарэйкаўская сярэдняя школа Касцюковіцкага раёна" ў адпаведнасці з заканадаўствам мае права:

- ажыццяўляць адукацыйную дзейнасць;

- фарміраваць структуру і штатны расклад установы адукацыі;

- ажыццяўляць дзейнасць, якая прыносіць даходы;

- удзельнічаць у навуковай, навукова-тэхнічнай, эксперыментальнай і інавацыйнай дзейнасці, дзейнасці па метадычным забеспячэнні адукацыі;

- уваходзіць у склад асацыяцый (саюзаў) і іншых аб'яднанняў некамерцыйных арганізацый;

- ажыццяўляць міжнароднае супрацоўніцтва ў сферы адукацыі;

- ажыццяўляць іншыя правы ў адпаведнасці з актамі заканадаўства.